మదనపల్లి అభివృద్ధికి ఎక్కడికైనా చర్చ కు సిద్ధం - ఎమ్మెల్యే షాజహాన్
టౌన్ బ్యాంక్ అవినీతిపై సీబీఐ, సీఐడీ విచారణకైనా సిద్ధం - ఎమ్మెల్యే షాజహాన్ బాషా
నమిత న్యూస్ - Andhra Pradesh / Annamayya : మదనపల్లి - జూన్ 24 : మదనపల్లి తెలుగుదేశం పార్టీ కార్యాలయం లో మీడియా సమావేశం లో ఎమ్మెల్యే మాట్లాడుతూ కూటమి ప్రభుత్వం ప్రజా ప్రభుత్వం.. అభివృద్ధి ధ్యేయంగా ముందుకు సాగుతున్నాం... గత ఐదేళ్ల అరాచకాలకు చెక్.. మదనపల్లి రూపురేఖలు మారుస్తాం. టౌన్ బ్యాంక్ అవినీతిపై సీబీఐ, సీఐడీ విచారణకైనా సిద్ధం..మదనపల్లి ఎమ్మెల్యే షాజహాన్ బాషా. మదనపల్లి నియోజకవర్గంలో అభివృద్ధి, సుపరిపాలనే ధ్యేయంగా కూటమి ప్రభుత్వం నడుస్తోందని ఎమ్మెల్యే షాజహాన్ బాషా స్పష్టం చేశారు. మీడియా సమావేశం లో ఆయన మాట్లాడుతూ.. గత ప్రభుత్వంలో జరిగిన భూకబ్జాలు, అరాచకాలను తీవ్రంగా ఎండగట్టారు. మా ప్రభుత్వం ఎప్పుడూ ప్రజల్లో ఉండే ప్రభుత్వం.. ప్రజల కోసం పనిచేసే ప్రభుత్వం. ఒకప్పుడు మదనపల్లి టౌన్ లో వర్షం పడితే రోడ్లు ఈతకొట్టేలా ఉండేవి. కానీ,ఈరోజు మేము అధికారంలోకి వచ్చిన కొద్ది రోజుల్లోనే దాదాపు 59 అభివృద్ధి పనులకు భూమిపూజ చేశాం. మదనపల్లి చుట్టూ రింగ్ రోడ్ బైపాస్ కోసం 470 కోట్ల రూపాయల అంచనాలతో డీపీఆర్ (DPR) సిద్ధం చేసి కేంద్ర ప్రభుత్వానికి సమర్పించాం. గత పాలకులు కేవలం భూకబ్జాలకు పాల్పడ్డారు. సీటీఎం చెరువులను కూడా వదలకుండా ఆక్రమించారు. పేదల డికెటి భూములను లాక్కున్నారు. కానీ, మా హయాంలో అక్రమాలకు తావులేదు. రోడ్డు వెడల్పులో భాగంగా 22 చెట్లు తొలగిస్తే.. దానికి బదులుగా 1000 చెట్లను నాటాం.రాబోయే రోజుల్లో నియోజకవర్గవ్యాప్తంగా మా కూటమి నాయకులతో కలసి 10,000 చెట్లు నాటడమే మా లక్ష్యం. మదనపల్లి టౌన్ బ్యాంక్ వ్యవహారంలో జరిగిన అవినీతిపై ఎలాంటి విచారణకైనా మేము సిద్ధం. సీఐడీ (CID) లేదా సీబీఐ (CBI).. ఏ విచారణ జరిపించినా పూర్తి బాధ్యతతో సహకరిస్తాం. తప్పు చేసిన వారిని వదిలిపెట్టే ప్రసక్తే లేదు. అదేవిధంగా, నిరుద్యోగుల కోసం 16,347 ఉద్యోగాలతో డీఎస్సీ (DSC) నోటిఫికేషన్ ఇచ్చి, ఎలాంటి సిఫార్సులు లేకుండా కేవలం మెరిట్ ప్రాతిపదికన అత్యంత పారదర్శకంగా ఉద్యోగాలు భర్తీ చేస్తున్నాం. మైనారిటీల సంక్షేమానికి కట్టుబడిన ఏకైక నాయకుడు నారా చంద్రబాబు నాయుడు గారు.తెల్లవారుజామున 7 గంటల నుండి రాత్రి 11 గంటల వరకు నిత్యం ప్రజల మధ్య ఉంటూ, వారి సమస్యల పరిష్కారానికి కృషి చేస్తున్నాం. మెడికల్ కాలేజీ నిర్మాణంలో జరిగిన ప్రజాధనం దుర్వినియోగంపై కూడా అసెంబ్లీ సాక్షిగా గళమెత్తాం. మదనపల్లిని సర్వాంగ సుందరంగా తీర్చిదిద్దడమే మా ఏకైక లక్ష్యం" అని ఎమ్మెల్యే షాజహాన్ బాషా ధీమా వ్యక్తం చేశారు.
Reporter
Namitha News
మరిన్ని వార్తలు
Developed By :
