ఘనంగా ఫోర్డు సంస్థ 32వ వార్షికోత్సవ సంబరాలు
32సంవత్సరాలు గా నిర్విరామ సేవా కార్యక్రమాలు అందిస్తున్న లలితమ్మ
నమిత న్యూస్ - Andhra Pradesh / Annamayya : మదనపల్లి - నవంబర్ 25 : పోర్డ్ సంస్థ ద్వారా 32 ఏళ్లుగా నిర్విరామ సేవా కార్యక్రమాలు - ఘనంగా సంస్థ డైరెక్టర్ జల్లా లలితమ్మ కు అభినందనలు - శుభాకాంక్షలు తెలిపిన సంస్థ సభ్యులు, పలువురు ప్రముఖులు. మదనపల్లె డివిజన లో 32 సంవత్సరాలుగా సమాజ సేవలో పోర్డ్ సంస్థ సేవలు అందిస్తూ తమదైన గుర్తింపును సొంతం చేసుకుందని మంగళవారం సంస్థ కార్యాలయం నందు డైరెక్టర్ జల్లా లలితమ్మ ను అభినదించారు. సంస్థ కుటుంబ సభ్యులతో కలిసి నిరాడంబరంగా సంబరాలు జరుపుకున్నారు. ఇందులో భాగంగా సంస్థ డైరెక్టర్ జల్లా లలితమ్మ కేక్ కట్ చేసి అందరికి పంచి పెట్టరు. సంస్థ డైరెక్టర్ జల్లా లలితమ్మ మాట్లాడుతూ పోర్డ్ సంస్థ సిబ్బంది,దాతలు,అధికారులు సహాయ,సహకారాలతో లక్ష్యాలు చేరుకొని,పురోభివృద్ధి సాదిస్తున్నామన్నారు. గడచిన 32 సంవత్సరాల నుండి దళితులు ఆదివాసీల హక్కులు,అభివృద్ధి,మహిళల ఆర్థిక స్వావలంబన,మహిళల్లో చైతన్యం తీసుకురావటం,బాల కార్మికుల నిర్మూలన,బాల్య వివాహాల నిర్మూలన,నిర్బంధ విద్యాహక్కుచట్టం అమలుతో పాటు అనేక కార్యక్రమాలపై పోర్డ్ సంస్థ ముందుకు సాగుతోందని వివరించారు. ముఖ్యంగా దేశ భవిష్యత్తు ఉజ్వలంగా ఉండటంతో పాటు కుటుంబాలు అభివృద్ధి చెందాలంటే అది పిల్లల విద్యాభ్యాసంతోనే సాధ్యమనే విషయాన్ని ప్రజల్లో గట్టిగా వినిపించి అవగాహన కల్పించడం ద్వారా సంపూర్ణ అక్షరాస్యత సాధించే దిశగా ముందుకు సాగుతున్నట్లు పేర్కొన్నారు. కాగా ఆధునిక పోకడలతో ఆహారపు అలవాట్లలో వస్తున్న మార్పులు,వ్యవసాయంలో పెరిగిపోతున్న క్రిమిసంహారక మందుల వినియోగం,ప్రజల ఆరోగ్యంపై తీవ్ర ప్రభావం చూపిస్తున్న నేపథ్యంలో ప్రకృతి వ్యవసాయం,తక్కువ ఖర్చుతో అధిక దిగుబడులు సాధించే విధంగా రైతాంగంలో చైతన్యాన్ని తీసుకువచ్చి అవగాహన పెంపొందించడం ద్వారా ఆరోగ్యకరమైన సమాజ నిర్మాణానికి శ్రీకారం చుట్టామన్నారు. ఈ అంశాలపై పోర్టు సంస్థ మున్ముందు కూడా తమ ఆశయాల సాధన కోసం ముందుకు సాగుతుందన్నారు.అలాగే తనను అభిందించిన ప్రతీ ఒక్కరికి కృతజ్ఞతలు తెలిపారు. ఈ కార్యక్రమంలో పోర్టు సంస్థ ప్రోగ్రాం కోఆర్డినేటర్ నిర్మల,కో-ఆర్డినేటర్ సుభాషిణి,మండల కో-ఆర్డినేటర్లు ఎ.నరసింహులు, ఎం.నరసింహులు, సంస్థ కోశాధికారి హేమంత్ కుమార్,సిబ్బంది అల్తాప్,జయలక్ష్మి,జలజాక్షి,స్వర్ణ,భువనేశ్వరి,అనిత,రెడ్డమ్మ, శైలజ,రమణ,శివన్నలు పాల్గొన్నారు.
Admin
Namitha News
మరిన్ని వార్తలు
Developed By :
