విశ్వం ఇంజినీరింగ్ కళాశాలలో మార్చ్ 7న ‘టెక్నోఫిలియా 2K26’ టెక్నికల్ ఫెస్ట్
నమిత న్యూస్ - Andhra Pradesh / Annamayya : విశ్వం ఇంజినీరింగ్ కళాశాలలో మార్చ్ 7న ‘టెక్నోఫిలియా 2K26’ టెక్నికల్ ఫెస్ట్ ఇంజినీరింగ్ విద్యార్థులకు సాంకేతిక నైపుణ్యాల మెరుగుదలకు వేదికగా పేపర్ నోవా, ప్రాజెక్ట్ ఎక్స్పో పలు పోటీలు – ఆకర్షణీయ బహుమతులు విశ్వం ఇంజినీరింగ్ కళాశాలలో 2026 మార్చ్ 7వ తేదీన “టెక్నోఫిలియా 2K26” పేరిట టెక్నికల్ ఫెస్ట్ను ఘనంగా నిర్వహించనున్నట్లు కళాశాల యాజమాన్యం శ్రీ ఎం ప్రభాకర్ రెడ్డి మరియు ప్రిన్సిపల్ డాక్టర్ డి రమణారెడ్డి ప్రకటించారు. ఈ టెక్ ఫెస్ట్కు డా. వసంత సెల్వకుమార్ మరియు డా. బి. సురేష్ బాబు కన్వీనర్లుగా వ్యవహరిస్తున్నారు. ఈ సందర్భంగా పలు ఆసక్తికరమైన సాంకేతిక పోటీలు నిర్వహించనున్నారు. ముఖ్యంగా Paper Nova (పేపర్ ప్రెజెంటేషన్), Poster Conclave, Quiz Byte, Decode, Jam Session, Project Expo, C Thunders వంటి ఈవెంట్లు విద్యార్థుల సాంకేతిక ప్రతిభను వెలికి తీసేలా రూపొందించబడ్డాయి. ఈ టెక్నికల్ ఫెస్ట్లో అన్ని ఇంజినీరింగ్ కళాశాలల విద్యార్థులు పాల్గొనవచ్చు. పాల్గొనే విద్యార్థుల కోసం నమోదు ఫీజు రూ.100 మాత్రమేగా నిర్ణయించారు. పోటీల్లో ప్రతిభ కనబరిచిన విజేతలకు ఆకర్షణీయమైన బహుమతులు మరియు సర్టిఫికెట్లు అందజేయనున్నట్లు నిర్వాహకులు తెలిపారు. ఇంజినీరింగ్ విద్యార్థులకు టెక్నికల్ ఫెస్టులు ఎంతో ప్రాధాన్యత కలవని నిర్వాహకులు పేర్కొన్నారు. ఈ తరహా కార్యక్రమాలు విద్యార్థుల్లో సాంకేతిక నైపుణ్యాలు, ఆవిష్కరణాత్మక ఆలోచన, సమస్య పరిష్కార సామర్థ్యం, బృందపని మరియు కమ్యూనికేషన్ స్కిల్స్ను పెంపొందిస్తాయని తెలిపారు. అంతేకాకుండా, పరిశ్రమల అవసరాలకు అనుగుణంగా విద్యార్థులను సిద్ధం చేయడంలో టెక్ ఫెస్టులు కీలక పాత్ర పోషిస్తాయని అన్నారు. “టెక్నోఫిలియా 2K26” టెక్నికల్ ఫెస్ట్ను విజయవంతం చేయాలని, ఈ అవకాశాన్ని అన్ని ఇంజినీరింగ్ విద్యార్థులు సద్వినియోగం చేసుకోవాలని కళాశాల యాజమాన్యం కోరింది.
Reporter
Namitha News
మరిన్ని వార్తలు
Developed By :
