ఆదివాసీ ఫౌండేషన్ భారత్ ఏ. పి. రాష్ట్ర అధ్యక్షుడిగా నాగినేని గోవిందు వాల్మీకి
నమిత న్యూస్ - Andhra Pradesh / Annamayya : ఆదివాసీ ఫౌండేషన్ భారత్ ఆంధ్రప్రదేశ్ రాష్ట్ర అధ్యక్షుడిగా నాగినేని గోవిందు వాల్మీకి నియామకం **మదనపల్లె:** "ఆదివాసీ ఫౌండేషన్ భారత్" ఆంధ్రప్రదేశ్ రాష్ట్ర అధ్యక్షుడిగా నాగినేని గోవిందు వాల్మీకిని సంస్థ జాతీయ నాయకత్వం నియమించింది. ఈ సందర్భంగా తనపై నమ్మకం ఉంచి రాష్ట్ర అధ్యక్ష బాధ్యతలు అప్పగించిన ఆదివాసీ ఫౌండేషన్ భారత్ నేషనల్ ప్రెసిడెంట్ శ్రీరామ్ గోపాల్ గారికి, నేషనల్ మహిళా ప్రెసిడెంట్ మంజులత గారికి, నేషనల్ వర్కింగ్ ప్రెసిడెంట్ కొమోష్ గారికి నాగినేని గోవిందు హృదయపూర్వక కృతజ్ఞతలు తెలిపారు. ఈ సందర్భంగా నాగినేని గోవిందు మాట్లాడుతూ, రాష్ట్ర అధ్యక్షుడిగా తనపై ఉంచిన బాధ్యతను అత్యంత నిబద్ధతతో నిర్వహిస్తానని తెలిపారు. ఆదివాసీ ఫౌండేషన్ భారత్ ఆశయాలకు అనుగుణంగా ఆంధ్రప్రదేశ్ వ్యాప్తంగా సంస్థను బలోపేతం చేసి, ప్రతి గ్రామానికి సంస్థ సేవలను చేరవేయడానికి కృషి చేస్తానని పేర్కొన్నారు. వాల్మీకి బోయ, గిరిజన, పేద, బడుగు, బలహీన, అణగారిన వర్గాల అభ్యున్నతే సంస్థ ప్రధాన లక్ష్యమని ఆయన అన్నారు. ముఖ్యంగా విద్య, వైద్యం, ఆరోగ్యం, ఉపాధి, స్వయం ఉపాధి అవకాశాల కల్పన, యువత నైపుణ్యాభివృద్ధి, మహిళా సాధికారత, సామాజిక న్యాయం, ప్రభుత్వ సంక్షేమ పథకాలను అర్హులైన లబ్ధిదారులకు చేరవేయడంలో ఆదివాసీ ఫౌండేషన్ భారత్ కీలక పాత్ర పోషిస్తుందని తెలిపారు. రాష్ట్రంలోని ఆదివాసీ, గిరిజన ప్రాంతాల్లో ప్రజల సమస్యలను గుర్తించి వాటి పరిష్కారం కోసం సంబంధిత అధికారుల దృష్టికి తీసుకెళ్లడంతో పాటు, ప్రతి వర్గానికి సమాన అవకాశాలు కల్పించే దిశగా సంస్థ నిరంతరం పనిచేస్తుందని చెప్పారు. సమాజంలోని ప్రతి ఒక్కరూ సంస్థ కార్యక్రమాలకు సహకరించి, సామాజిక సేవలో భాగస్వాములు కావాలని ఆయన పిలుపునిచ్చారు. చివరగా, తన నియామకానికి సహకరించిన జాతీయ నాయకత్వానికి మరోసారి ధన్యవాదాలు తెలుపుతూ, రాష్ట్రవ్యాప్తంగా సంస్థను మరింత బలోపేతం చేసి ప్రజలకు ఉపయోగపడే సేవా కార్యక్రమాలను విస్తృతంగా నిర్వహిస్తామని నాగినేని గోవిందు వాల్మీకి స్పష్టం చేశారు.
Reporter
Namitha News
మరిన్ని వార్తలు
Developed By :
