ఆరోగ్యానికి.. జీవన యోగా గొప్ప ఆయుధం యోగా సభలో విశ్వం ప్రభాకర్ రెడ్డి
నమిత న్యూస్ - Andhra Pradesh / Annamayya : ఆరోగ్యానికి.. జీవన యోగా గొప్ప ఆయుధం యోగా సభలో విశ్వం ప్రభాకర్ రెడ్డి అలవాట్లు మారితే జీవితమే మారిపోతుందని ఆరోగ్య సమస్యల నియంత్రణకు, జ్ఞాపకశక్తి ఏకాగ్రతకు యోగా మహత్తర ఆయుధంగా పనిచేస్తుందని మండలంలోని అంగళ్లులోని విశ్వం విద్యా సంస్థల చేర్మన్ ఎం. ప్రభాకర్ రెడ్డి అన్నారు. బుధవారం స్థానిక సీబీఎస్సీ స్కూల్లో ప్రపంచ యోగాడేని పురష్కరించుకుని విద్యార్థులు, అధ్యాపకులచే యోగాసనాలు నిర్వహించారు. ఈ సందర్భంగా ముఖ్య అతిధిగా ఆయన మాట్లాడుతూ యోగా మానసిక, శారీరక ఆరోగ్యాన్ని ఇస్తుందన్నారు. చిన్నప్పటి నుండే మంచి అలవాట్లు అలవర్చుకుంటే భవిష్యత్ జీవితం బాగుంటుందన్నారు. రోజు వారి చర్యలు, ఆలోచనా విదానం. మానసిక స్థితి అలవాట్ల ప్రభావానికి లోబడి ఉంటాయన్నారు. యోగాతో శారీరక, మానసిక ఆరోగ్యం మెరుగుపడుతుందన్నారు. వత్తిడి తగ్గి మానసిక ప్రశాంతత లభిస్తుందన్నారు. జ్ఞాపక శక్తి. ఏకాగ్రతకు ఉపకరిస్తుందన్నారు. ఇది జీవితంలో భాగం కావాలన్నారు.
Reporter
Namitha News
మరిన్ని వార్తలు
Developed By :
