ఇండియా బుక్ రికార్డ్స్ అవార్డు పొందిన చిన్నారిని, తల్లిదండ్రులను అభినందించిన జిల్లా కలెక్టర్.
నమిత న్యూస్ - Andhra Pradesh / Annamayya : రాయచోటి డిసెంబరు 21: ఇండియా బుక్ రికార్డ్స్ లో చోటు సంపాదించి అవార్డు పొందిన అన్నమయ్య జిల్లా రాజంపేట ముకుందర్ గడ్డకు చెందిన వీఆర్వో షేక్ ముజీబ్, షేక్ మసుద బేగం దంపతుల కుమారుడు చి.షేక్ మహమ్మద్ ముష్బాక్ సిద్ధికి ని, చిన్నారి తల్లిదండ్రులను జిల్లా కలెక్టర్ శ్రీధర్ చామకూరి ప్రత్యేకంగా అభినందించారు. శనివారం రాయచోటి కలెక్టరేట్లో చి.షేక్ మహమ్మద్ ముష్బాక్ సిద్ధికి తల్లిదండ్రులు కలెక్టర్ ను ఆయన చాంబర్లో కలిశారు. తమ కుమారుడు చిన్న వయసు నుంచే ఎంతో చలాకీగా ఉండేవాడని... ప్రస్తుతం ఒకటిన్నర సంవత్సరాల వయసులో 27 రకాల పండ్లు, కూరగాయలు, జంతువులు, పక్షులను, వృత్తులను, వాహనాలను స్వాతంత్ర సమరయోధులు మనిషి శరీర భాగాలు బొమ్మలు, ఆకారాలు చర్యల పదాలు ఆంగ్ల అక్షరాల ఆల్ఫాబెట్స్ మనుషులు, జంతువులు పక్షుల శబ్దాలు చాలా స్పష్టంగా గుర్తించడంతో ఇండియా బుక్ రికార్డ్స్ వారు ఇటీవల బాలునికి అవార్డు జారీ చేసినట్లు కలెక్టర్ కు వివరించారు. చిన్నారి ప్రతిభ పాటవాలను మరింత ప్రోత్సహించాలని భవిష్యత్తులో ఉన్నత శిఖరాలు అందుకునేలా బాగా చదివించాలని కలెక్టర్ పేర్కొన్నారు.
Reporter
Namitha News
మరిన్ని వార్తలు
Developed By :
